Сағынтаев тұрғын үй құрылысының қарқынын бәсеңдетпеуді талап етті
Қазақстан Республикасының Премьер-Министрі Бақытжан Сағынтаев «Нұрлы жер» бағдарламасын жүзеге асырудың бірінші жылының қорытындысын шығарды.
Ол жақсы нәтижелерді атап өтті: өткен жылы рекордтық көрсеткіш – 11 миллион шаршы метрден астам тұрғын үй пайдалануға берілді.
Бұл ретте премьер-министр әкімдіктердің олқылықтарына тоқталды, соның салдарынан дайын үйлер пайдалануға берілмейді.
«Статистика кінәлі ме, әлде үйлер салынып біткенімен мердігерлер қабылдау актісін уақытында бермеген. Тұрғындар үшін бұл түсініксіз жағдай. Бұл мемлекеттік органдардың өз жұмысы. Сондықтан, құрметті әріптестер, биылғы жылы жұмысымызда мұндай қателіктерге жол бермейміз деп ойлаймын. Оның үстіне биылғы Жолдауында мемлекет басшысы 2030 жылы бір адамға 30 шаршы метрге дейін қамтамасыз етуіміз керек деп отыр. Ал бұл 10%-ға дейінгі жыл сайынғы өсім (…) Биыл біз плюс миллион шаршы метрге жетуіміз керек. Әрдайым біреуге сілтеме жасайтын болсақ, ол дұрыс емес. Сондықтан сұраймын бас қосып, биылғы жылды да жоғары деңгейде аяқтаймыз», – деді ол Қазақстан Республикасы Үкіметінің отырысында Инвестициялар және даму министрінің баяндамасын қорытындылай келе.
ҚР ІІМ басшысы Жеңіс Қасымбектің айтуынша, 2017 жылы тұрғын үй құрылысына барлығы 9 миллиард 800 миллион теңге инвестиция тартылған, бұл өткен жылмен салыстырғанда 18 пайызға жоғары.
Жеке инвестицияның үлесі 825 миллиард теңгені немесе жалпы көлемнің 84 пайызын, мемлекеттік инвестицияның үлесі 154 миллиард теңгені немесе жалпы көлемнің 15,7 пайызын құрады.
11,2 млн шаршы метр тұрғын үй пайдалануға берілді, бұл өткен жылғы деңгейден 6,2%-ға жоғары.
Барлығы 100,8 мың тұрғын үй салынды, оның ішінде 75,8 мың тұрғын үй немесе жалпы көлемнің 75 пайызы жеке сектор есебінен, 25 мың пәтер мемлекеттік инвестиция есебінен пайдалануға берілді.
Тұрғын үйлерді пайдалануға беру бойынша жетекші орындарды Астана (2,4 млн ш.м.) және Алматы (1,9 млн. шаршы метр), Маңғыстау (833 мың ш.м) қалалары және Ақтөбе (792,3 мың ш.м.) облысы.
Тұрғын үйлерді пайдалануға беру қарқынының айтарлықтай өсуі Батыс Қазақстан (42,4%), Оңтүстік Қазақстан (36,2%), Қостанай (35,9%) және Павлодар облыстарында байқалды.
Өсім Алматы облысын қоспағанда (-48,4%) республиканың барлық аймақтарында байқалды.
Тұрғын үй құрылысын жаппай дамыту аймақтарына қажетті инфрақұрылымды тарту үшін өткен жылы өңірлерге 77,3 млрд теңге бөлініп, 99,5 пайызы немесе 76,9 млрд теңге игерілді.
Ақмола (99,1%), Қарағанды (92,2%) және Павлодар (94,4%) облыстарында қаражаттың игерілмеуіне жол берілген.
