Қазақстан Республикасы Сыртқы істер министрлігінің басшысы Қайырбек Өскенбаев Қостанай облысына жұмыс сапары аясында өрттен зардап шеккендерге арналған тұрғын үй құрылысына белсенді қатысқаны үшін сала мамандарын мемлекеттік наградалармен марапаттады. Әулиекөл ауданында.
Министр облыстағы құрылыс саласы өкілдерінің қосқан үлесін жоғары бағалайтынын айтып, олардың лайықты еңбектері үшін алғысын білдірді.
«Құрметті әріптестер, құрылысшылар! Қиын-қыстау кезеңде Аманқарағай ауылының тұрғындарына орасан зор еңбек сіңіріп, үлкен көмек көрсеттіңіз. Мемлекет басшысының тапсырмасы бойынша өрттің салдарын жедел жою мақсатында жедел түрде тұрғын үйлердің құрылысы басталды. Облыстың жұмылдырылған мердігер ұйымдарының күштерінің үйлесімді жұмысы мен тиімді жоспарлауының арқасында 91 тұрғын үйдің құрылысы мерзімінен бұрын аяқталды», — деді Қайырбек Айтбайұлы.
Еске салайық, қыркүйек айының басында Қостанай облысының орман массивін ірі өрт шарпыған болатын. Осылайша, Әулиекөлдегі орман өртінен зардап шеккендерге 91 үй салынды. Олардың барлығы электрмен, газбен, сумен қамтамасыз етілген.
Сонымен, табиғи өрттен зардап шеккендерге арналған тұрғын үйлердің құрылысына белсенді қатысқаны үшін мыналар марапатталды:
Құрмет» ордені:
Ибраимов Дәулет Дулатұлы – «Строй Элит Дом» ЖШС бақылау кеңесінің төрағасы;
Қарамакин Бауыржан Сәбитұлы — «CK KBS» ЖШС директоры;
Орымбаев Нұрлан Бахетжанұлы — «Руднысоколовстрой» АҚ бас директоры;
III дәрежелі «Еңбек даңқы» ордені
Владимирова Оксана Рашитовна – «Руднысоколовстрой» АҚ «Отделстрой» ММ аға бригадирі;
Жақсылықов Олжабай Байменұлы — «БК-Строй» ЖШС кірпіш қалаушы;
Ерен еңбегі үшін медалі:
Ариккулов Ерболат Булатович — «Строй Элит Дом» ЖШС бригадирі;
Әбдіков Дархан Жаныбекұлы – «Алюминстрой» ЖШС директорының орынбасары;
Бекжанов Тайыр Ренатұлы – «Әлия-Сервис» ЖШС филиалының директоры;
Бораш Әбдірахман Әбдіхалықұлы – «Парасат Строй Проект» ЖШС директоры;
Ким Сергей Романович — «БК-Стройпром» ЖШС директоры.
Сондай-ақ бірқатар азаматтар Қазақстан Республикасы Президентінің Құрмет грамотасымен марапатталды.
Дереккөз: gov.kz
