Бұл туралы Мемлекеттік кірістер комитетінен хабарлады.
Қазіргі уақытта бюджетке салық төлемей жалдамалы баспана беретін тұлғаларды анықтау бойынша ведомствоаралық іс-шаралар жоспары келісілді.
– Ақпарат негізінде учаскелік полиция инспекторлары тұрғын үй иелеріне және салық міндеттемелерін орындамай тұрғын үйді жалға беретін жеке тұлғаларға жинақтаушы тізілімдерін қалыптастырады. Камералдық бақылау нәтижесінде анықталған бұзушылықтарды жою туралы меншік иелеріне хабарламалар жіберіледі, деп хабарлады Мемлекеттік кірістер комитеті.
Бұған дейін Қазақстанда заңсыз кәсіпкерлікпен айналысқаны үшін 7,3 миллион теңге көлемінде айыппұл салынған. Құқық бұзушылар арасында пәтер иелері мен такси жүргізушілері де бар. Заңсыз кәсіпкерлік қызметі үшін айыппұл жеке тұлғалар үшін 15 АЕК-тен (2022 жылы 45,9 мың теңге) құрайды. Қайталап бұзғаны үшін – жеке тұлғаларға 25 АЕК-тен (2022 ж. 76,6 мың теңге).
Дереккөз: house.kz
