2021 жылы Нұр-Сұлтанда 10 мың әлеуметтік пәтер салынады
Нұр-Сұлтанда 2021 жылы 10 мың әлеуметтік пәтер салынады, «Жұмыс істейтін жастарға арналған жалға берілетін тұрғын үй» бағдарламасы да жалғасын табады. Бұл туралы қала тұрғындарымен есеп беру кездесуінде елорда әкімі Алтай Көлгінов айтты.
«Құрылыс саласында қолжетімді тұрғын үй салу өте маңызды. Өткен жылы пандемияға қарамастан елордада 3 миллион шаршы метрден астам тұрғын үй салынды, оның 80 пайызы жеке инвестициялар. Мемлекет басшысының тапсырмасы бойынша қолжетімді баспаналар саны үш есеге артты. Мысалы, 2018 жылы 1100 әлеуметтік пәтер, 2019 жылы 2900 жеңілдікті пәтер салынса, 2020 жылы 7 мыңнан астам әлеуметтік пәтер болады. Биыл бұл көрсеткіш 10 мың пәтерге дейін жеткізіледі», – деді елорда әкімі Алтай Көлгінов.
Сонымен қатар, елордада 2021 жылы Елбасының бастамасымен қолға алынған «Жұмыс істейтін жастарға арналған жалға берілетін баспана» бағдарламасы жалғасын табады. Бағдарлама аясында жыл соңына дейін 1000-нан астам жас баспана алады.
Жұмыс істейтін жастар үшін жалға берілетін баспанаға қалай өтініш беруге болады
Елорда әкімінің тапсырмасы бойынша тұрғын үй сертификаттарының көлемі 1 миллионнан 1,5 миллион теңгеге дейін ұлғайтылды, «Шаңырақ» тұрғын үй сертификаттарын алушылардың санатын кеңейту қолға алынды ( 5-10-20 ): егер бұрын тізімге халықтың әлеуметтік осал бөлігінен тек 3 санат кірсе, енді тоғыз санаттың барлығы енгізіледі.
Елорда әкімдігі жаяу қашықтықтағы әлеуметтік нысандарды беру жұмыстарын жалғастыруда. Сонымен, жаңа тұрғын үй кешендерінің бірінші қабаттарында емдеу мекемелері, оңалту орталықтары, балабақшалар, балаларға арналған үйірмелер, полиция бекіністері және т.б.
Дереккөз: astana.gov.kz
