Қазақстандықтар жылжымайтын мүлікті тіркеу куәлігін онлайн ала алады
Енді барлық қазақстандықтар халыққа қызмет көрсету орталығына бармай-ақ жылжымайтын мүліктің электронды техникалық төлқұжатын ала алады. Бұрын мұндай мүмкіндік тек елорда мен Шымкент тұрғындарына ғана ие болатын. «Азаматтарға арналған үкімет» мемлекеттік корпорациясы «Ұлттық ақпараттық технологиялар» АҚ-мен бірлесіп egov.kz электронды үкімет порталында аталған мемлекеттік қызметті жүзеге асырды. Бұл туралы корпорацияның баспасөз қызметі хабарлады.
«Электрондық үкімет» порталында электрондық тіркеу куәлігін алу үшін «Жылжымайтын мүлік» бөліміне кіріп, «Жылжымайтын мүлік объектісінің техникалық паспортын алуға электрондық өтініш беру» қызметін таңдау қажет. Пәтерлердің, жатақханалардың, жеке гараждардың және саяжайлардың иелері онлайн-өтініш жасағаннан кейін тізімде көрсетілген құжаттарды қоса беруі қажет.
Құжатты жасауға кететін уақыт ғимарат түріне байланысты. Техникалық куәландыру нәтижелері бойынша пәтерді, жатақхана бөлмелерін тіркеу куәлігі үшінші жұмыс күні, жеке гараждар мен саяжай үйлері үшін 5 жұмыс күні беріледі.
Пәтерлерді, жатақхана бөлмелерін, жеке гараждарды және саяжай үйлерін электронды тіркеу куәліктері мөрлері мен қолдары бар халыққа қызмет көрсету орталықтарында берілген мәліметтерді қамтиды. Электрондық аналогтар мемлекеттік қызмет көрсетуге тартылған қызметкерлердің электрондық цифрлық қолтаңбасымен расталады.
Пилоттық жоба барысында Нұр-Сұлтан мен Шымкентте 12 мыңнан астам азамат жаңа электронды тіркеу куәлігін алды.
Дереккөз: capital.kz
