Нұр-Сұлтанның болашақтағы негізгі даму бағыттары аталды
Болашақта елорданың құрылысы қалай жүргізілетіні және бір мезгілде қандай да бір бөлек талаптар белгіленетіні туралы Нұр-Сұлтан қаласының сәулет, қала құрылысы және жер қатынастары басқармасы ресми сауалға берген жауабында айтты. law.kz
Ведомствоның мәліметінше, алдағы уақытта елорданы дамыту қаланың функционалдық аймақтары бойынша қала құрылысы регламенттері негізінде жүзеге асырылатын болады. Сонымен бірге, Нұр-Сұлтан қаласының абаттандыруға, қасбеттік дизайнға, жарықтандыруға, жарнамаға, көше жиһаздарына қойылатын жалпы ережелерді, нормалар мен талаптарды белгілейтін дизайн кодексінің жобасы әзірленуде. Дизайн кодын әзірлеу 2019 жылдың соңында аяқталады.
– Дегенмен, кешенді даму жоспары бар. Оның міндеті – қаланың белгілі бір бөлігін дамыту. Қала аумағының 13 мың гектары анықталды, ол инженерлік, жол, әлеуметтік инфрақұрылыммен қамтамасыз етілуі тиіс. Бұл бес негізгі даму аймағы: Мыңжылдық аллеясы мен Нұрлы жол станциясы; Мәңгілік ел даңғылы; Тұран даңғылының батысы; Тельман ауылының оңтүстігі және Асан Қайғы көшесінің аумағын жөндеу, – делінген басқарманың ресми жауабында.
Сондай-ақ, шет аймақтарды абаттандыруға ерекше көңіл бөлінетіні айтылды. Яғни, тек Нұржол бульвары мен Нұр-Сұлтанның бас алаңына немесе ескі орталықтағы қалалық алаңға ғана байлау болмайды. Бүкіл қала бойынша тартымды аймақтар әзірленетін болады.
