Қарағанды облысында биыл дәрігерлерге арналған 63 пәтер беріледі
Биыл Қарағанды облысында дәрігерлерге 63 пәтер беріледі.
Бұл туралы Өңірлік коммуникациялар қызметінің алаңында өткен брифинг барысында Қарағанды облысының денсаулық сақтау басқармасының амбулаториялық-емханалық көмекті дамыту және үйлестіру басқармасының басшысы Дана Байкенова мәлім етті.
– Облыстағы ауруханалар мен емханаларда қазір 97 дәрігер – неонатолог, анестезиолог, акушер-гинеколог, сондай-ақ жалпы тәжірибелік дәрігерлер жеткіліксіз. Бірақ денсаулық сақтау басқармасының кадр тарту бойынша атқарып жатқан жұмыстары өз нәтижесін беруде. Өткен жылы облысқа 333 дәрігер келсе, оның 260-ы жас мамандар, – дейді Дана Байкенова.
Спикердің айтуынша, мамандарды тарту мақсатында денсаулық сақтау басқармасы 2016 жылдан бері оларға пәтер беріп келеді. 2016 жылы дәрігерлер 4 пәтер алса, 2017 жылы 26 пәтер алды.
– 2018 жылы жас мамандар Балқаш пен Саран қалаларынан 27 пәтер алды. Және соңына дейін Биыл тағы 63 пәтер беріледі. Қоныс тойы Абай, Шахтинск, Жезқазған және Қарағанды қалаларында, сондай-ақ Ақтоғай өңірінде тойланады, – деп атап өтті Дана Байкенова.
Денсаулық сақтау басқармасы 2020 жылы дәрігерлерге Қарағанды, Теміртау, Жезқазған және Қарқаралы қалаларында 210 пәтер бөлуді жоспарлап отыр.
Дереккөз: karaganda-region.gov.kz
