Ипотекалық нарық несиелеудегі жалпы тоқырау жағдайында қалпына келеді: ипотекалық несиелердің көлемі бір жылда 83%-ға өсіп, бір айда 70 млрд теңгеге жуықтады. Бұл ретте жалпы несие портфелі бір жылда 3%-ға қысқарды.
Дереккөз: Ranking.kz
Ипотекалық несиелеу бір жылда 82,5%-ға өсті: ағымдағы жылдың қазан айында сектордағы банк несиелерінің көлемі өткен жылдың сәйкес кезеңінде небәрі 38,1 млрд теңге болса, 69,5 млрд теңгеге жетті. Ипотекалық несиелердің қарқынды өсуінің драйвері осыдан 5 ай бұрын басталған «7-20-25» бағдарламасы болды. Осы кезеңде 42,4 млрд теңгеге несие берілді.
Тұрғындар арасында ипотекалық несиелендіруге сұраныстың артуы аясында ағымдағы жылдың қазан айының соңында банктердің несие портфеліндегі ипотекалық несиелердің үлесі 9,8%-ға дейін өсті (2017 жылы – 8,2%). Бұл ретте ЕДБ несие портфелінің өзі 2,6%-ға қысқарды.
Ипотекалық несиелендіру үлесінің және несиенің осы түріне сұраныстың өсуімен қатар, жан басына шаққандағы ипотекалық несиенің көлемі де өсуде. Қазан айының соңында әрбір қазақстандықтың ипотека бойынша орта есеппен 68,4 мың теңге қарызы бар (бір жыл бұрын – 59,1 мың теңге).
Бұл бағдарламаға 28 ЕДБ-нің 8-і ғана қатысады. Абсолютті көшбасшы ЦентрКредит Банкі болып табылады, ол жалпы сомасы 35 млрд теңгеге (барлық несиелердің 82,5%) берілген 4 мың өтінімнің 3 мыңға жуығын мақұлдады.
Екінші орында АТФБанк 2,6 млрд теңге сомасына 588 мақұлданған 213 өтініммен (үлесі – 6,2%). Үздік үштікті Халық банк жабады – 347 мақұлданған өтінімнің 138-і, несиенің жалпы сомасы 1,8 млрд теңге (4,3%). Барлық берілген ипотекалық несиелердің 93%-ы (39,5 млрд. теңге) тізімде аталған банктердің үлесіне тиеді.
Қазан айының соңында «Баспана» мемлекеттік бағдарламаға қатысушы банктерге 21,9 млрд теңге көлемінде несие берді.
17 желтоқсанда Fitch халықаралық рейтингтік агенттігі «Баспана» ипотекалық ұйымының ұзақ мерзімді дефолт рейтингін тұрақты болжаммен (AAA ұлттық валютасында) ВВВ деңгейінде берді, бұл Қазақстанның ұзақ мерзімді дефолт рейтингімен сәйкес келеді.
Салыстыру үшін, басқа екі ипотекалық несиелеу ұйымы, KMC және HCSB ұзақ мерзімді дефолт рейтингтері BBB–.
Мемлекеттік бағдарламаға қатысуға берілген өтінімдердің жалпы саны қазіргі уақытта 5,6 мыңды құрайды, оның 3,5 мыңы немесе барлық өтінімдердің 63 пайызы мақұлданды. Өтініш бергендердің саны бойынша Астана мен Алматы облыстар көшін жалғастыруда – сәйкесінше 1,7 және 1,5 мың өтініш.
Дегенмен, мақұлданған өтінімдердің арақатынасы бойынша көшбасшылар Батыс Қазақстан және Ақмола облыстары – сәйкесінше 73,5% және 73,2%.
Тұрғындардың ең аз белсенділігі Түркістан, Солтүстік Қазақстан және Павлодар облыстарында тіркелді: бұл аймақтарда өтініш бергендердің жалпы саны 79 адамды құрады, оның 30-ы несие алуға мақұлданды.
