Астанадағы құрылыс компаниясы банкрот деп танылды
Астананың мамандандырылған ауданаралық экономикалық соты құрылыс компанияларының бірін банкрот деп таныды.
Бұл туралы қалалық соттың сайтында хабарланды.
Сотта атап өтілгендей, «UMD» ЖШС-нің негізгі қызметі басқа топтарға кірмейтін басқа құрылыс нысандарын салу болып табылады. Кәсіпорын Астана қаласы Сарыарқа ауданы бойынша Мемлекеттік кірістер департаментінде салық төлеуші ретінде тіркелген және салық және бюджетке төленетін басқа да міндетті төлемдер бойынша берешегі бар.
«Борышкердің кредиторлық берешегін өтейтін мүлкі жоқ, банк шоттарында қаражат жоқ. Астана қаласының мамандандырылған ауданаралық экономикалық соты борышкерді банкрот деп тану туралы салық органының талаптарын қанағаттандырды. Шешім дереу орындалуға жатады», – делінген Астана қалалық сотының баспасөз қызметі таратқан хабарламада.
