Оңтүстік Қазақстан облысында пайдалануға берілген тұрғын үй көлемі 36 пайызға артты.
Оңтүстік Қазақстан облысында пайдалануға берілген тұрғын үй көлемі 36 пайызға артты.
Бұл туралы Оңтүстік Қазақстан облысы әкімінің баспасөз қызметі хабарлады.
2017 жылы Оңтүстік Қазақстан облысында жалпы ауданы 721 мың шаршы метрді құрайтын 7 482 пәтер пайдалануға берілді, бұл 2016 жылмен салыстырғанда 36,2%-ға артық.
«2017 жылы құрылыс жұмыстарының көлемі 234 145 млн теңгені құрады, бұл 2016 жылдың сәйкес кезеңімен салыстырғанда 5,3%-ға артық. Айта кету керек, құрылыс жұмыстарының жалпы көлемінің 54,3 пайызы тұрғын және тұрғын емес ғимараттардың құрылысына тиесілі», – деді Өңірлік коммуникациялар қызметінде өткен баспасөз мәслихатында облыстық статистика департаментінің басшысы Айдар Әбілдабеков.
Еске салайық, 2017 жылы республикада пайдалануға берілген тұрғын үйлердің 6,5 пайызы Оңтүстік Қазақстан облысының үлесіне тиген. 2016 жылмен салыстырғанда облыс өсу қарқыны бойынша республикада екінші орында.
