Полицейлер пәтерлерді заңсыз жалға беруді тексереді
Астана қаласының полициясы Мемлекеттік кірістер департаментімен бірлесіп «Пәтер» жедел-профилактикалық іс-шарасын жүргізуде, оның барысында жалға берілетін тұрғын үйлерге тексерулер жүргізіледі.
Бұл туралы елордалық ІІД баспасөз қызметінен хабарлады.
Іс-шара 2018 жылдың 1 қаңтарынан 31 қаңтарына дейін жалғасады.
«Бұл шараның мақсаты заңсыз жалға берілген пәтерлерді анықтау, жедел мүдделі тұлғаларды анықтау, сондай-ақ аумақтарда құқық бұзушылықтың алдын алу болып табылады», – деді министрлік.
Полицияның мәліметінше, ПҚО басталғаннан бері учаскелік полиция инспекторлары жалға берілетін 400-ге жуық пәтерді анықтады, олар бойынша мемлекеттік кірістер департаментіне ақпарат жолданды, 15 тұлға ҚР ҚК 493-бабы бойынша әкімшілік жауапкершілікке тартылды. Әкiмшiлiк құқық бұзушылық «тұрғын үйдiң меншiк иесiне оларда нақты тұрмайтын жеке тұлғаларды тiркеуге жол беруi немесе меншiк иесiнiң есепте тұрған және тұрғын үйде тұрмайтын адамдарды есептен шығару шараларын қолданбауы, не жеке тұлғалардың тіркеусіз тұруына жол берген» 246 адам ҚР ПАО-ның 492-бабы «Тіркеусіз немесе жеке басын куәландыратын құжатсыз тұру» бойынша әкімшілік жауапкершілікке тартылды.
Екі және одан да көп құқықбұзушылық жасалған тәуліктік және сағаттық жалға алған 12 пәтер мен тұрғын үй иесі тіркелді.
Пәтерді жалға алатын барлық тұлғалармен жалға алушылардың қоғамдық тәртіпті бұзғаны үшін жауапкершілік туралы ескертумен профилактикалық әңгімелесулер жүргізіледі.
