Көкшетаудың 300 тұрғыны мерекеге орай жаңа пәтерлерге ие болады

Көкшетауда мереке күндері 300 пәтерді жаңадан жалға алушылар алады.
Бұл туралы қала әкімінің баспасөз қызметі хабарлады.

Облыс орталығында тұрғын үй құрылысы жүріп жатыр. Биылдың өзінде 30-ға жуық көпқабатты тұрғын үй немесе 1323 пәтер салынды.

«Оның ішінде 300 пәтерге осы мереке күндері жаңадан келген тұрғындар орналасады. Жаңа баспананың иелері жас отбасылар, халықтың әлеуметтік жағынан осал топтары, кезекте тұрғандар, сондай-ақ Тұрғын үй құрылыс жинақ банкінің салымшылары болады», – деді баспасөз қызметі.