Атырауда 45 отбасы қоныс тойын тойлады

Атырауда 45 отбасы «Нұрлы жер» бағдарламасы бойынша салынған үйден жаңа пәтер кілтіне ие болды.

«Жаңа үйдегі пәтерлерді баспанаға кезекте тұрған Атырау тұрғындары алды. Балалар үйінің түлектері 9 пәтерде тұрады, 14-і аз қамтылған отбасыларға және 22-сі қаланың бюджеттік ұйымдарының қызметкерлеріне бөлінді. Бұл қаламызда «Нұрлы жер» мемлекеттік бағдарламасы бойынша салынған бірінші үй емес: жыл басынан бері барлығы 300-ден астам пәтер салынды», – деді Атырау қаласы әкімінің орынбасары Мейірім Қалауи.

2017 жылы бюджет қаражаты есебінен Атырау қаласында 37 көпқабатты тұрғын үй салынды, оның ішінде 1617 пәтерлік 29 үй пайдалануға берілді. Қалған 8 үй осы жылдың соңына дейін пайдалануға беріледі.