Өңірлерде әскери қызметшілер мен Қарулы Күштердің ардагерлерін әлеуметтік қолдау шаралары талқыланды.
Қазақстан Республикасы Қорғаныс министрлігі Тәрбие және идеологиялық жұмыс департаментінің ақпараттық-түсіндіру тобы Қызылорда және Түркістан облыстарында болды.
Офицер-тәрбиешілер Қазақстан Республикасы Қарулы Күштерінің әскери қызметшілері мен ардагерлерінен құралған жасақтарды аралап, әлеуметтік саланы жақсарту бойынша мемлекеттік шараларды түсіндіру, сондай-ақ «Өмірді аялай» бағдарламасының жүзеге асырылуын тексеру мақсатында болды.
Сапар барысында Тәрбие және идеологиялық жұмыс басқармасының бастығы әділет полковнигі Тілеухан Басхожаев Қызылорда және Ары гарнизондарының әскери бөлімдері мен мекемелерінің жеке құрамымен кездесті.
Кездесулер барысында әскери қызметшілер мен олардың отбасы мүшелерінің тұрмыстық жағдайын жақсарту, әлеуметтік кепілдіктер жүйесін жетілдіру мәселелері талқыланды.
«Қазіргі уақытта әскери қызметкерлер мен басқа да құқық қорғау органдарының қызметкерлерін зейнетақымен қамтамасыз етуді жақсарту бойынша жұмыстар жүргізілуде», – деді ДВИР басшысы. – 16 наурызда қабылданған әлеуметтік кодекске сәйкес, әскери зейнеткерлер жеке зейнетақы шотындағы зейнетақы жинақтарының қалған бөлігін тұрмыс жағдайын жақсартуға және емделуге жұмсай алады. Қорғаныс министрлігі 2018 жылға дейін әскери қызметтен босатылған, еңбек өтілі 10 жылдан астам, бірақ 20 жылдан аз болған және жекешелендіруге жатпайтын қызметтік тұрғын үйлерде тұратын әскери қызметшілерді тұрғын үймен қамтамасыз ету бойынша шаралар қабылдауда.
Көктемгі әскерге шақыру науқанына да тоқталған басқарма басшысы еліміздің қорғаныс қабілетін арттыруға атсалысып, лайықты қызмет еткен жандардың көмегінің бүгінгі күні қаншалықты маңызды екенін атап өтті.
«Сіздерді шақыру науқаны кезіндегі әскери-патриоттық шараларға қатысуға, жастарды әскери оқу орындарына түсуге үгіттеуге шақырамын», – деп қосты ол.
Бүгінгі күні Қорғаныс министрлігінің маңызды жұмысының бірі әскери қызметтің беделін арттыру болып табылады. Қорғаныс министрлігі ғылым және жоғары білім министрлігімен, сондай-ақ еліміздің жетекші жоғары оқу орындарымен әскери борышын өтеген балаларға білім беру саласында жеңілдіктер қарастыратын бірлескен жобаны жүзеге асыру туралы меморандумдарға қол қойды. Сондай-ақ Қаржы нарығын реттеу және дамыту агенттігімен мерзімді әскери қызметшілерге банктік несиелер мен шағын несиелер бойынша төлемдерді кейінге қалдыру бойынша өзара ынтымақтастық туралы меморандумға қол қойылды.
