Шығыс Қазақстан облысында 200-ден астам көп балалы отбасы баспаналы болады
Шығыс Қазақстан облысында тұрғын үй нысандарымен қатар, коммерциялық және әлеуметтік инфрақұрылыммен де құрылыс жалғасуда. Биылғы жылы 952 000 ш.м құрылыс жүргізілсе, оның 650 000 ш.м. – коммерциялық ғимараттар, деп хабарлайды info.homsters.kz ШҚО ақпарат орталығына сілтеме жасап.
«Өткен жылы көп балалы отбасылар үшін 3 млрд теңгеге 228 пәтер салынды. Биыл тағы 203 көп балалы отбасы баспаналы болады, оның ішінде 145 отбасы ауылда тұрады, оның 93-і аз қамтылған отбасылар», – деді ШҚО әкімі Даниал Ахметов.
Сондай-ақ баспасөз мәслихаты барысында әкім Мемлекет басшысының халықты орталықтандырылған сумен қамтамасыз ету жөніндегі тапсырмасы толық көлемде орындалып жатқанын атап өтті. Биылдың өзінде 22,3 млрд теңгені құрайтын 24 іске асырылып жатқан жобаның 13-і енгізілмек.
Тағы бір маңызды мәселе – халықты сапалы интернетпен қамтамасыз ету.
«Ағымдағы жылы 203 ауылдың 16-сында мобильді интернетке қолжетімділік жергілікті бюджет есебінен 1,3 млрд теңгеге 19 антенна-маңқа құрылымын салу және ұялы байланыс операторларының қолданыстағы лицензиялық міндеттемелерін орындау есебінен қамтамасыз етіледі. 70 ауылда қолжетімділік ұялы байланыс операторларының қолданыстағы лицензиялық міндеттемелерін орындау есебінен қамтамасыз етіледі, оның ішінде 2023 жылы 63 ауылда, 2024 жылы 7 ауылда. Қалған 117 н/а қамтамасыз ету 2025 – 2026 жылдар аралығында 2 бағыт бойынша жүзеге асырылады: 1 бағыт – 100 және одан да көп тұрғыны бар 69 ауыл, оларды ұялы байланыс операторларының қосымша лицензиялық міндеттемелеріне қосу арқылы; 2 – 100-ден аз тұрғыны бар 48 ауыл спутниктік тарату және талшықты-оптикалық байланыс желісі арқылы», – деді Даниал Ахметов.
