Такси жүргізушісі астаналық әйелді ипотекалық несие алуға көмектесемін деп алдап кеткен, деп хабарлайды info.homsters.kz, Polisia.kz сайтына сілтеме жасап.
Есіл ауданының жедел қызметкерлері 48 жастағы такси жүргізушісін ұстады. Ер адамның қала тұрғынының 2 миллион теңгеден астам қаржысын алаяқтық жолмен иемденіп алғаны анықталды. Жәбірленушінің айтуынша, сапар барысында ол жүргізушімен сөйлесіп, ипотека алудағы мәселесін айтқан. Жолаушыға сенім артқан ер адам банктердегі байланысын алға тартып, баспана алуға көмектесуді ұсынды. Бейтаныс жігіттің сөзіне сенген әйел оған ақша береді.
Ер адам алаяқтық жасағанын мойындады. Оған қатысты ҚР Қылмыстық кодексінің 190-бабы «Алаяқтық» бойынша тергеу амалдары жүргізілуде. Елордада да осыған ұқсас қылмыстарды жасауға қатыстылығы анықталуда.
