ҚР Президенті жанындағы Орталық коммуникациялар қызметінде өткен брифингте «Отбасы банкі» АҚ басқарма төрайымы Ләззат Ибрагимова Қазақстан халқын 20 миллионыншы сәбиінің дүниеге келуімен құттықтады. Жаңа туған бес балаға ақшалай сертификат табысталды.
«Отбасы Банкі де бүгін дүниеге келген және еліміздің 20 миллионыншы тұрғыны атанған балалардың болашағына өз үлесін қосқысы келеді. Біз оларға әрқайсысының номиналды құны 2 000 000 теңгелік «Отбасы Банкінің» сыйлық сертификаттарын береміз», — деді ол.
Ләззат Ибрагимованың айтуынша, сертификаттар бүгінде жарамды. Оларды қосу үшін жаңа туған балалардың ата-аналары сыйлық сертификатының, жеке куәліктің және баланың туу туралы куәлігінің түпнұсқасымен банк бөлімшесіне баруы қажет. Сертификаттар үш айға жарамды.
«Отбасы Банкінің» төрағасы бұл қаражат жеке баспанаға ие болу арманын жүзеге асырудың алғашқы қадамы болатынын баса айтты.
