Биылғы «Наурыз» ипотекалық бастамасы 2024 жылдың 1 мамырында іске қосылса, келесі жылдары өтінімдер бағдарламаның атауын көрсететін және көктемнің басталуын білдіретін 1 наурыздан басталады. Қаржыландыру 300 млрд теңгені құрап, бірінші жылы 12 мыңға жуық қазақстандыққа жеке баспана алуға мүмкіндік береді. Алдағы сегіз жылда 68 мыңға дейін отбасын пәтермен қамтамасыз ету жоспарлануда.
Әзірге білетініміз:
бастапқы жарна – 20%;
Несие мерзімі – 19 жыл;
Несиенің максималды сомасы талқылануда және сәл кейінірек белгілі болады;
Пайыздық мөлшерлеме халықтың әлеуметтік осал тобы үшін 7%, қалған қатысушылар үшін 9%;
Депозиттің болуы – өтінім беру кезінде ашылуы мүмкін;
Салым сомасы – миллион теңге;
Қандай баспана сатып алуға болады – Астана, Алматы, Шымкент қалаларында, сондай-ақ облыс орталығы болып табылатын 17 қалада таңдауға тек бастапқы тұрғын үй беріледі, қалған аудандарда жылжымайтын мүліктің түрі әлі талқылануда;
Тұрғын үйдің болуы – қатысуға ниет білдірген үміткердің соңғы 5 жыл ішінде жылжымайтын мүлкі болмауы керек.
1 наурызда басталған Отаумен салыстырғанда Наурыздың мүмкіндіктері кеңейіп, «Отбасы Банкі» клиенттеріне ғана емес, басқа да азаматтар тобына баспана алу мүмкіндігін береді.
Жылжымайтын мүлік сатып алғысы келетіндер өз таңдауын жасауы керек, өйткені бір уақытта екі бағдарламаға қатысуға тыйым салынады.
