Алматыда ескі үйлер бұзылып, жаңа үйлер салынады: көшелерге атау берілді
Биыл Алматыда тозығы жеткен ондаған үй сүріліп, жаңалары салынады. Мәліметтерді Күрделі құрылыс кәсіпорны хабарлады.
Ұйымның мәліметінше, 2024 жылдың 1 мамырындағы жағдай бойынша мегаполисте екі қабатқа дейін тозығы жеткен 1,4 мың көпқабатты үй бар. Оның ішінде соңғы 10 жылда екі ғимарат қауіпті деп танылған.
Биыл 545 пәтерлік 54 апатты үйді бұзу жоспарлануда. 2023 жылы 14 ғимарат бұзылып, 321 пәтердің тұрғындары басқа жаққа көшірілді.
Бұзылуы жоспарланған ғимараттардың ішінде ең көп саны Түрксіб ауданында – 322 пәтерлі 31 үй. Соның ішінде Толстой, Чернышевский, Касин, Сейфуллин көшелерінде және т.б.
Жетісу ауданында 142 пәтерлі 14 нысан (Боткина, Дулыға, Вольная көшелерінің бойында, т.б.) орналасқан.
Әуезов ауданындағы Сүлейменов көшесінің бойында 56 пәтерлі алты ғимарат сүріледі.
Алатау ауданындағы Райымбек даңғылы мен Фадеев көшесіндегі үш тұрғын үйді демонтаждау жұмыстары жүргізілуде.
Бұзылғандардың орнына биыл 23 үйді пайдалануға беру жоспарлануда. Олар Чернышевский, Сауранбаев, Ақан сера, Сейфуллин, Сәтбаев, Розыбакиев, т.б көшелерде орналасады. 2021-2025 жылдар аралығында барлығы 97 көпқабатты тұрғын үй салынуы тиіс.
Тозығы жеткен тұрғын үйлерді жөндеуге инвестицияның жалпы көлемі 2030 жылға дейін 1,12 триллион теңгені құрайды деп жоспарлануда. Оның ішінде 120 млрд теңге жергілікті бюджеттен бөлінеді. Инвесторлар 1 триллион теңгені құяды.
Дереккөз:
