Су тасқынынан зардап шеккен Ақмола облысының тұрғындары тағы 40 пәтерге ие болды
Ақмола облысында су тасқынынан зардап шеккен халықты баспанамен қамтамасыз ету жұмыстары жалғасуда.
13 мамырда (кеше) Атбасар ауданынан 27 отбасы, Көкшетау қаласынан 13 отбасы баспана иесі атанды.
Кілттерді салтанатты жағдайда Ақмола облысының әкімі Марат Ахметжанов табыс етті.
Аймақ басшысы жаңа қоныстанушыларды құттықтап, оларға жаңа мекенде жылулық пен жайлылық тіледі.
«Ел Президенті табиғи апаттан зардап шеккен тұрғындарға қамқорлық көрсетуді басты міндет етіп қойды. Ал бүгінде Мемлекет басшысының тапсырмасын орындау аясында табиғи апаттан баспаналары бұзылып, тұруға жарамсыз болып қалған азаматтарға пәтер кілттерін табыстау жалғасуда. Сонымен қатар, біз залалды өтеу, бір реттік көмек төлеу және т.б. үшін барлық шараларды қолданамыз. Алда үйлер мен бұзылған инфрақұрылымды қалпына келтіру бойынша ауқымды жұмыстар күтіп тұр», – деді М.Ахметжанов.
Кілттерді алғандардың арасында Борисовка ауылының тұрғыны Наталья Зайка да бар. Көп балалы ана су тасқынынан қауіпсіз жерден жаңа үй таңдапты.
«Қайғылы оқиғадан кейінгі алғашқы күндері біз барлық мемлекеттік органдардың көмегі мен қамқорлығын сезіндік. Мен Қазақстан Президенті Қасым – Жомарт Тоқаевқа зардап шеккендерге қатысты шешімдердің тез қабылданғаны үшін алғысымды білдіргім келеді», – деді Н.Зайка.
Көкшетаудағы зардап шеккен 13 отбасына да көктемгі апат салдарынан жоғалғандардың орнына пәтер кілттері табысталды.
Естеріңізге сала кетейік, облыс орталығының 14 тұрғыны баспана иесі атанды.
«Су тасқынынан кейін үйіміз тұруға жарамсыз болып қалды. Көп күткен жоқпыз. Жаңа пәтерге өте ризамын. Бізге ыңғайлы орналасқан жері мен орналасуымен өзіміз таңдаған пәтерді сатып алды», – деп қуанышымен бөлісті екі бөлмелі пәтер иесі Күлшара Шахизадаева.
«Біз күзге дейін инфрақұрылымды қалпына келтіру және өңірдегі зардап шеккендердің барлығын баспанамен қамтамасыз ету бойынша барлық жұмыстарды аяқтауды жоспарлап отырмыз», – деп түйіндеді облыс әкімі.
Айтпақшы, облыста 1500-ден астам ақмолалық біржолғы төлемақы алған. Мүлікті бағалау жұмыстары аяқталуда.
