Алматыда Гагарин даңғылы атауы өзгереді

Алматыда жергілікті биліктің шешімімен кейбір көшелердің атаулары өзгереді. Олардың қатарында Гагарин даңғылының Тимирязев көшесімен және Әл-Фараби даңғылымен шектесетін бөлігі қазақтың көрнекті опера әншісі Ермек Серкебаевтың құрметіне қайта аталмақ.

Сондай-ақ, Әуезов ауданындағы Юбилейная көшесі жаңа атау алады – ол атақты актер Владимир Толоконниковтың есімімен аталады.
Түрксіб ауданында «Жас қанат» шағын ауданындағы осы уақытқа дейін ресми атауы болмаған көшеге белгілі сазгер, әнші Ескендір Хасанғалиевтің есімі берілмек.
Сонымен қатар, Республикалық ономастикалық комиссияға Бостандық ауданындағы (бұрын аты болмаған) көшенің атын өзгерту туралы ұсыныс түсті. Ұсынылып отырған жаңа атау атақты театр және кино актері, режиссер және халық әртісі Юрий Померанцевтің құрметіне берілген.