Қызылордада 150 отбасы пәтер кілтіне ие болды
Дүйсенбі күні облыс әкімі Нұрлыбек Нәлібаевтың қатысуымен Тасбөгет кентінде 150 отбасына екі көпқабатты үйден пәтер кілттері табыс етілді, деп хабарлайды Қарағанды облысының әкімдігі.
Аймақ басшысы жаңа тұрғындарды құттықтады.
«Мемлекет басшысы Қасым-Жомарт Кемелұлы Атырауда өткен Ұлттық құрылтай отырысында «тұрғын үй – халықтың өмір сапасының тағы бір маңызды көрсеткіші» деп атап өтті. Елбасы халықты баспанамен қамтамасыз етуге баса назар аударып, нақты мұқтаждарға мемлекет тарапынан көмек көрсетіліп жатқанын баса айтты.
Осы қолдаудың арқасында кейінгі жылдары елімізде тұрғын үй құрылысының қарқыны өскен жоқ. Өткен жылы облыста 4108 пәтерлі 300 тұрғын үй салынып, 2400-ге жуық пәтер берілді, 11 мыңнан астам тұрғын баспаналы болды.
Тұрғындардың жайлы өмір сүруінің басты алғышарты тұрғын үймен қамтамасыз ету болса, бұл жұмыс биыл да жалғасын табуда. Бюджет қаражаты есебінен 13,3 млрд теңгеге 1269 пәтерлік 67 тұрғын үйдің құрылысы жүргізіледі. Оның ішінде 950-ге жуық пәтер облыс орталығында салынады. Жыл басынан бері 462 отбасы қоныс тойын тойлады. Бүгін 150 отбасы жаңа пәтерге ие болады. Бұл – халықтың әлеуметтік әл-ауқатын жақсартудағы мемлекет қолдауының нақты көрінісі», – деді аймақ басшысы.
Салтанатты шарада жаңа қоныстанушылар атынан Индира Кенжетаева қуанышын білдірсе, мемлекет және қоғам қайраткері Нажмадин Мұсабаев бата берді. Тұрғын үй салған мердігер мекеме қызметкерлері марапатталды.
Естеріңізге сала кетейік, көпқабатты тұрғын үйлердің құрылысы өткен жылдың тамыз айында басталып, жұмысты «Аман құрылыс», «Интегрострой», «АЭС және лимит» серіктестіктері жүргізген. Жаңа пәтерлер аз қамтылған және жетім балаларға берілді.
