Қарағандыда «Отбасы Банкі» АҚ қолдауымен облыс әкімдігі екі жыл бұрын қолға алған жастарды жеңілдетілген ипотекалық несиелеу бағдарламасы жалғасуда. Құжаттарды қабылдау 3 маусымда басталады, деп хабарлайды Қарағанды облысы әкімдігінің баспасөз қызметі.
Бағдарламаға денсаулық сақтау, білім беру, мәдениет, спорт салаларының жас қызметкерлері, бұқаралық ақпарат құралдарының, жоғары оқу орындарының және әлеуметтік саланың өкілдері, квазимемлекеттік сектордың коммуналдық кәсіпорындарының қызметкерлері қатыса алады.Биылғы жылы келесі санаттар қосылды: жетім және ата-анасының қамқорлығынсыз қалған балалар, мемлекеттік қызметкерлер, Төтенше жағдайлар министрлігі мен «Қазпошта» АҚ қызметкерлері.
Жасы – 35 жасқа дейін. Ресми жұмыс өтілі – кемінде бір жыл. Қазақстан Республикасының азаматтығы қажет және болашақ қарыз алушы мен оның отбасы мүшелерінің жылжымайтын мүлкі жоқ (соңғы 5 жыл ішінде).
Несиенің максималды сомасы – 20 миллион теңге. Өтініш берушілерде несие сомасының кем дегенде 10% бастапқы жарнасы болуы керек. Бұл жағдайда жылдық 6 пайызбен баспана алуға мүмкіндік туады. Несиенің максималды мерзімі – 19 жыл.
Сіз Қарағандыда жеңілдетілген бағдарлама бойынша тұрғын үйді жаңадан да, қайталама нарықтан да сатып ала аласыз.
Үміткерлер келесі құжаттарды ұсынуы керек:
жеке куәлік; азаматтық хал актілерін мемлекеттік тіркеу туралы куәлік (неке туралы және балалардың тууы туралы куәліктер – бар болған жағдайда);
өтініш берушінің және барлық отбасы мүшелерінің жылжымайтын мүлкінің жоқтығы туралы анықтама;
қызметтік бланкідегі жұмыс орнынан анықтама (ресми бланк жоқ болса, анықтамада ұйымның мөрі болуы керек);
жұмыс тәжірибесін растайтын құжат; жұмыс істеген барлық кезең үшін зейнетақы жарналары туралы анықтама; мүгедектік туралы анықтама (бар болса).
Құжаттарды қабылдау мерзімі: 3 маусымнан 7 маусымға дейін сағат 9:00-ден 18:00-ге дейін (түскі үзіліс 13:00-ден 14:30-ға дейін).
Байланыс мекенжайы: Н.Назарбаев даңғылы, 39а, Қарағанды ашық кеңсесі (қала әкімдігінің ғимараты).
Анықтама үшін телефон: (8-7212) 42-34-82.
