Солтүстік Қазақстан облысының ауылдарында шаруа қожалықтары, спорт кешендері, тұрғын үйлер салынуда
Солтүстік Қазақстан облысының әкімі Ғауез Нұрмұхамбетов жұмыс сапарымен Мамлют ауданында болып, кәсіпорындар мен жылқы фермаларының тыныс-тіршілігімен танысып, шаруалармен кездесу өткізді, деп хабарлайды Солтүстік Қазақстан облысының әкімдігі.
Дубровное ауылындағы әлеуметтік нысандар трансформациялануда. Мектеп пен фельдшерлік-акушерлік пунктке күрделі жөндеу жұмыстары жүргізілуде. Мәдени-демалыс орталығында да жөндеу жұмыстары басталып кетті.
Ауданда үлгілі шаруашылықтар бар. «Белое-Агро» ЖШС Щучье кентінде жұмысшыларына жаңа үйлер салып жатыр. Сондай-ақ, өз қаражатына мәдени-демалыс орталығын қайта жаңғыртуда.
Мәдени орталықта аймақ басшысы Мамлют өңірінің тұрғындарымен нәтижелі кездесу өткізді. Біз өзекті мәселелерді талқылап, өңірді дамытудың міндеттерін белгіледік. Тұрғындар инфрақұрылымды жақсарту бойынша ұсыныстарымен бөлісіп, сұрақтарын қойып, ауданда атқарылып жатқан жұмыстарға тоқталды.
Мамлютка қаласында жаңа дене шынықтыру-сауықтыру кешенінің құрылысы жүріп жатыр. Сондай-ақ облыс орталығында жиһаз өнеркәсібі үшін ДСП шығаратын зауыт іске қосылады.
Ал Бексейіт пен Бостандық ауылдарында биыл жаңа медициналық пункттер ашылады. Новомихайловка мен Покровкада фельдшерлік пункттер салынуда. Мамлютка, Дубровный, Воскресеновка, Краснознаменный, Бексейіт және Михайловкада су тарату желілері, Афонкино ауылында су айдау құрылыстарының құрылысы жүргізілуде.
