Оралда су тасқынынан келген шығынды өтеу жөніндегі комиссияның жұмысы жалғасуда.
Орал қаласы әкімінің орынбасары Азамат Халеловтың айтуынша, су тасқынынан келген шығынды өтеу жөніндегі комиссияға 10 492 өтініш түскен.
Оның айтуынша, төрт мыңға жуық жазғы тұрғындар үшін су басқан тұрғын үйлер жалғыз болып шықты, «Үш мыңға жуық тұрғын баспана алады, мыңға жуық үй жөндеуге жатады». Бүгінге дейін комиссия 3 мың азаматтың үйін тексерді. Сондай-ақ, 10 мыңнан астам тұрғынға 150 АЕК көлемінде біржолғы әлеуметтік көмек көрсетіледі. Қазірге дейін комиссия 2700-ге жуық материалды қарап, 500-ге жуық отбасын баспанамен қамту туралы шешім шығарған. Тұрғын үй кілттері бірінші кезекте халықтың әлеуметтік жағынан осал топтарына, атап айтқанда көп балалы отбасыларға, толық емес отбасыларға, мүмкіндігі шектеулі жандарға беріледі», — деді А.Халелов.
Жеке үйлерде тұруға ниет білдірген тұрғындардың талаптары да ескерілді.
— Қаладағы шағын аудандарда 450 жеке үй салынады. Қазір мердігерлер үй құрылысын өзара бөлісіп, іргетасы құйылып жатыр. Құрылысты жаңа оқу жылына дейін аяқтау жоспарлануда, деді А.Халелов.
Қала әкімінің орынбасары Жандос Дүйсенғалиевтің айтуынша, барлығы 8 мың саяжайдың 4 мыңының мүлкі бағаланған.
— Мүлікті бағалауға тұрмыстық техника, жиһаз кіреді. Бүгінгі таңда 1377 үй бойынша шешім қабылданып, 600 млн теңгеге жуық қаржы төленді», — деді Ж.Дүйсенғалиев.
Естеріңізге сала кетейік, Оралда су тасқынынан кейін 2600 үй техникалық байқаудан өткен.
Дереккөз: inform.kz
