Ақтоғай ауданында 96 отбасы пәтер алды
Ақтоғай ауданы Шашубай ауылында 96 отбасы қоныс тойына дайындалып жатыр. Олар үшін бес қабатты үй қалпына келтіріліп, күрделі жөндеуден өтті, деп хабарлайды info.homsters.kz Қарағанды облысының әкімдігіне сілтеме жасап.
Үй дерлік ауылдың орталығында, Ақбергенова көшесінде орналасқан. Ол «Қуатты аймақтар – ел дамуының драйвері» бағдарламасы аясында қалпына келтірілді.
– Үй 90-шы жылдары салынған, бірақ ұзақ уақыт бойы қараусыз қалып, бос тұрған. Ол тексеріліп, қалпына келтіруге жарамды деп танылды. Балансқа алдық, қаржы бөлініп, мердігер компания жөндеп берді. Соның арқасында әлеуметтік осал санаттағы 96 отбасы мен бюджет қызметкерлерін баспанамен қамтамасыз еттік», – деді Ақоғай ауданы әкімінің орынбасары Абылай Аманжолов.
Жаңадан қоныстанғандардың ішінде 12 жетім бала, 20 көп балалы отбасы, 46 әлеуметтік осал санаттағылар, 17 бюджет қызметкері, сондай-ақ баспанасы қауіпті деп танылған отбасы бар.
Арайлым Бейсембекова балабақшада тәрбиеші болып жұмыс істейді. Күйеуі екеуі үш бала тәрбиелеп отыр. Отбасы бес жылдай баспана кезегінде тұрған.
– Біздің ешқашан жеке үйіміз болған емес. Осы жылдар бойы туыстармен бірге тұрдық. Онда бізден басқа қайын енем, күйеуімнің інісі мен әпкесі тұрады. Біз әрқашан өз пәтерімізді армандайтынбыз. Енді міне, арманымыз орындалды. Бізге екі бөлмелі пәтер берілді. Біз сонда болдық, өте жақсы аудан, жақын жерде балабақша мен мектеп бар. Барлық жағдай жасалған, орталық жылыту жүйесі бар. Жақында көшеміз», – дейді Арайлым.
Евгения Фролова жұбайымен бес бала тәрбиелеп отыр. Жеті адамнан тұратын отбасы ұзақ жылдар бойы бір бөлмелі пәтерде тығырыққа тірелген. Оларға қалпына келтірілген үйден үш бөлмелі пәтер берілді.
«Биыл баспана аламыз деп ойлаған жоқпыз». Біз өте қуаныштымыз, бұл біз үшін нағыз мереке. Бізге кілтті бергенде де сене алмадық. Ішінде болған соң, барлығын өз көзіммен көрген соң ғана көзіміз жетті. Пәтер бізге ұнады. Жақсы сантехника және су жылытқышы бар. Қазір де заттарыңды апарып, кіре беруге болады», – деп қуанышымен бөлісті Евгения.
Шашубай ауылында барлығы 89 адам баспана кезегінде тұр. Олар алдағы жылдары ауылдағы тағы үш иесіз қалған бес қабатты үйді қалпына келтіруді жоспарлап отыр.
Фото дереккөзі: Қарағанды облысы әкімдігінің баспасөз қызметі.
