Алматы облысы Кербұлақ ауданы Сарыөзек ауылында 15 отбасы қоныс тойын тойлады.
Алматы облысының Өңірлік коммуникациялар қызметі хабарлағандай, еліміздің басты мерекесі қарсаңында Ауған соғысының ардагерлері, Чернобыль апатын жоюшылар, I, II топтағы мүгедектер және өңірлердегі сұранысқа ие мамандар: дәрігерлер мен ұстаздар еліміздің басты мерекесі қарсаңында үш бөлмелі үйдің кілтін алды.
«Мен өз үйімді алғаныма өте қуаныштымын. Тәуелсіздік күні тұрғын үй иесі атану өте символикалық. Бүгін жас дәрігерлер мен мұғалімдер менімен бірге жаңа баспаналарға ие болды. Бұл да басқалардың ауылға оралып, туған жерінің игілігі үшін еңбек етуіне түрткі болып отыр», — дейді жаңа қоныстанушы, Чернобыль апатын жоюшы Жұмаділ Рахимов.
Кербұлақ ауданы әкімдігінде атап өтілгендей, Сарыөзек ауылында үш бөлмелі 15 тұрғын үйдің құрылысына бюджеттен 117 миллион теңге бөлінген.
