Астана әкімдігі құрылыс компанияларының басшылары мен кәсіпкерлерге жұмысшыларды суыққа жібермеу туралы өтінішпен жүгінді.
Бұл туралы қала әкімінің баспасөз хатшысы Эльвира Жүргенбаева хабарлады.
«Қала әкімдігі құрылыс компаниялары мен шағын және орта бизнес өкілдеріне жұмысшылардың суықтан үсік шалу қаупіне байланысты ашық ауада жұмыс істеуді тоқтатуды ұсынады», — деп жазды Эльвира Жүргенбаева Facebook парақшасында.
Ол төтенше жағдай орын алған жағдайда қала тұрғындары 109 және 112 телефондарына хабарласа алатынын еске салды.
