«Қазақстан құрылыс салушылар қауымдастығы» ҚБ (бұдан әрі – Қауымдастық) қоғамдық және кәсіби коммерциялық емес ұйым болып табылады және оған қатысушылардың – құрылыс индустриясы субъектілерінің мүдделерін білдіре отырып, келесіні хабарлайды.
Бүгінгі күні жылу желілері бойынша жүктемелерді бөлу ашық емес, сондықтан құрылыс салушылар объектілердің құрылысын жоспарлау кезінде ағымдағы жүктемелердің нақты бейнесін көрмейді. Сонымен қатар, жоспарлауда және міндеттеріне осы жүктемелерді бөлу кіретін уәкілетті органдар (ЗБТ) үшін қиындықтар бар.
Сондай-ақ, ағымдағы жылдың соңына дейін инженерлік коммуникациялардың барлық түрлеріне техникалық шарттарды беру қуаттардың болмауына байланысты тоқтатылды. Халықтың тыныс-тіршілігін қамтамасыз ету нысандары (ЖЭО, НФС) пайдалануға берілгеннен кейін келесі жылдың басына қарай жағдай жақсарады деп күтілуде.
Осыған байланысты Қауымдастық әрбір тиісті аумақтық аймақ шегінде желілердегі қолжетімді қуаттар мен жүктемелерді көрсететін, сондай-ақ нақты уақыт режимінде қуаттарды бөлу процесін бақылайтын визуализация құралын («бақылау тақтасы») құру қажет деп санайды.
