Қазақстан банктері теңгемен несиелеуді арттырды
Қазақстанда 2017 жылғы қаңтар-шілдеде екінші деңгейлі банктердің ұлттық валютада несие беруі 5,2%-ға (5,7 трлн теңгеге дейін) өсті.
Бұл туралы ҚР Ұлттық банкінің баспасөз қызметі хабарлады.
«Қаңтар-шілде айларында теңгемен несие беру өткен жылдың сәйкес кезеңімен салыстырғанда 5,2%-ға өсіп, 5,7 трлн. Заңды тұлғаларға теңгемен берілген несиелер бойынша пайыздық мөлшерлеме 2016 жылғы желтоқсандағы 14,5%-дан 13,7%-ға дейін төмендеуін жалғастыруда, бұл олардың қолжетімділігін кезең-кезеңімен арттыруды қамтамасыз етеді», – деді журналистермен кездесуде Қазақстан Республикасы Ұлттық банкінің төрағасы Данияр Ақышев. .
Оның айтуынша, банктердің экономиканы несиелендіруі, алдын ала мәліметтер бойынша, 0,7%-ға өсіп, ағымдағы жылдың шілде айының соңында жылдық мәнде 12,8 трлн теңгені құрады.
Банк секторының жиынтық активтері 2017 жылғы 1 тамызда 24 трлн теңгені немесе ЖІӨ-нің 49 пайызын құрады. Сақтандыру ұйымдарының жиынтық активтері 912 млрд теңгені, салымшылардың зейнетақы жинақтары – 7,3 трлн теңгені, немесе ЖІӨ-нің 15% құрайды.
