Қазақстанда екі жүзден астам көп балалы отбасы пәтер кілтіне ие болды

Қазақстанда 249 көп балалы отбасы пәтер алды. Жаңа баспана Нұр-Сұлтан, Шымкент қалаларының, сондай-ақ еліміздің тоғыз облысының тұрғындарына берілді.

Қазақстандықтар пәтер кілттерін ел парламенті қабылдаған тұрғын үй қатынастары туралы заңның арқасында ала алды, деп хабарлайды Премьер-Министрдің баспасөз қызметі.

Сәрсенбі, 1 мамырда алғашқы 24 пәтер Нұр-Сұлтанда, 15-і Шымкентте берілді. Павлодар облысының көп балалы отбасылары – 76, Қарағанды ​​– 27, Ақтөбе – 25, Алматы – 20, Маңғыстау – 18, Жамбыл – 17, Шығыс Қазақстан – 11, Батыс Қазақстан – 10, Ақмола – 6 пәтер алды.

15 мамырда Атырау облысында 50 көп балалы отбасына пәтер беріледі деп жоспарлануда.

Жергілікті атқарушы органдардың мәліметінше, 32 мың көп балалы отбасы баспана кезегінде тұр. Биылғы жылдың мамыр айында еліміз бойынша 2019 жылы жоспарланған 6 мың көп балалы отбасының 1,2 мыңын баспанамен қамтамасыз ету жоспарлануда.

Дереккөз: Sputnikneshs.kz