Өңірлерде тұрғын үй құрылыс жинақ банкінің салымшылары үшін жыл сайын 15 мың пәтер салынады.
Бұл туралы «Бәйтерек» ҰБХ» АҚ басқарушы директоры-басқарма мүшесі Қайырбек Өскенбаев «Өңір» депутаттық тобының «Нұрлы жер» бағдарламасын өңірлерде жүзеге асыру барысы туралы» тақырыбында өткен отырысында айтты.
«Жалпы 2016-2017 жылдарға жоспар бойынша 67 млрд теңгені құрайтын жергілікті атқарушы органдардың облигациялары жалпы сомасы 110,1 млрд теңгеге өтеледі. Барлығы 2016 — 2017 жж IOI облигациялары 107,8 теңгеге сатып алынды. Қаражат айналымы есебінен әкімдіктер жыл сайын Тұрғын үй құрылыс жинақ банкінің салымшылары үшін 15 мың пәтер салады», — деді Өскенбаев.
Оның айтуынша, «Бәйтерек» холдингі «Нұрлы жер» тұрғын үй құрылысы бағдарламасы аясында бес негізгі бағыттың төртеуін жүзеге асыруға атсалысуда.
2017 жылдың 10 айында бағдарлама бағыттары бойынша жақсы көрсеткіштерге қол жеткізілді.
Несиелік тұрғын үй құрылысы бағытында холдинг «Бәйтерек» 2017 жылдан бері тұрғын үй құрылысын тек жергілікті атқарушы органдардың облигацияларын сатып алу есебінен қаржыландырып келеді.
Барлық қаржылық ресурстар, сондай-ақ жобаларды таңдау, құрылыс салушыларды анықтау, құрылыс барысын әзірлеу және бақылау функциялары жергілікті атқарушы органдарға берілді.
2017 жылға 28,8 млрд теңге сомасына облигацияларды сатып алу жоспарымен 69,6 млрд теңгеге әкімдіктердің облигациялары, оның ішінде салынған тұрғын үйлерді сатудан түскен қаражатты қайта пайдалану есебінен сатып алынды.
Бұған дейін бөлінген қаржы толығымен игерілді. 2016 жылы «Бәйтерекке» Ұлттық қордан бөлінген 113 миллиард теңге, «Самұрық-Қазына» ҰӘҚ» АҚ 97 миллиард теңге жергілікті атқарушы органдардың бағалы қағаздарын сатып алуға бағытталды.
Осылайша, жалпы сомасы 277 млрд теңгені құрады.
