Инвесторларға Астанада құрылысы аяқталмаған 20-дан астам тұрғын үй кешені ұсынылды
Астанада 2017 жылы аяқталып жатқан құрылыстардың үшінші жәрмеңкесі өтті.
Бұл туралы Астана қаласы прокуратурасының баспасөз қызметі хабарлады.
Жәрмеңке қала прокуратурасының «Елордадағы қауіпсіздік пен жайлылық» жобасын қолдау аясында қала әкімдігімен ұйымдастырылды.
Жәрмеңке өтетін орындарда қала прокурорының талап-арызымен мемлекет меншігіне өткен елорданың аяқталмаған нысандарының құрылысын аяқтау үшін әлеуетті инвесторлар іздестіру және тарту жұмыстары жүргізілуде.
Кәсіпкерлерге пайда табу үшін құрылысқа инвестиция салу, сондай-ақ бұрын құнын төлеген үлескерлерге дайын пәтерлерді бөлу үшін құрылысы аяқталмаған тұрғын үй кешендері ұсынылады.
Жәрмеңкеде құрылысы аяқталмаған 21 нысан ұсынылды, оның ішінде Араби-2 тұрғын үй кешені, «Үміт-Береке» тұрғын үй кешені, Көктал-2 тұрғын үй кешені, «Комфорт территория-1» тұрғын үй кешені, Гранитный-1 тұрғын үй кешені, Гранитный-2», ЖК «Аниса-2 және 3», ЖК «Зере-1», ЖК «Зере-2», ЖК «Столичный-2», ЖК «Абат», ЖК «Алға» Тоқбұлақ», ЖК «Есіл-2», «Арыс» ЖК, «Рух» ЖК, «Магистральный-3», ЖК «Алтын рейд», ЖК «Баспана Көктал», ЖК «Жаңа Отан», ЖК «Арыстан», TK «Абайға 150 жыл».
Жәрмеңкеге 30-дан астам әлеуетті инвесторлар қатысты. Барлығы бұрын өткізілген жәрмеңкелердің қорытындысы бойынша инвесторлар мен қаланың тұрғын үй-құрылыс кооперативтері арасында құрылысы аяқталмаған 6 нысан бойынша келісімдер жасалды.
