Ұлттық экономика министрі Нұрлан Байбазаров салық реформасы Қазақстанда тұрғын үй бағасының өсуіне әкеп соқтыруы мүмкін бе деген сауалға жауап берді.
Мәжіліс алаңында журналистер министрден жаңа Салық кодексінің жобасына енгізілген ҚҚС бойынша 12 пайыздық жеңілдікті алып тастау тұрғын үй бағасына қалай әсер ететінін сұрады. Шенеуніктің айтуынша, құрылыс бизнесі үшін ешқандай қиындық болмауы керек.
«Құрылыс секторында біз құрылыс компанияларына салық жүктемесі төмен схемаларды көп көреміз. Сондықтан бұл орынды қадам деп ойлаймын, әсіресе қазір біз жеңілдіктерді азайтуға, түбегейлі қысқартуға бағыт алдық. Менің ойымша, бұл жерде құрылыс бизнесі тұрғысынан алғанда, 12 пайыз, әсіресе ҚҚС бойынша проблема жоқ», — деді Байбазаров.
Министр сонымен қатар министрлік тұрғын үйдің шаршы метрінің бағасын реттейтінін айтты.
«Бұл «Отбасы банкі» қаржыландыратын бағдарламалардың аясында жеңілдікті бағдарламаларды, ипотекалық несиелерді іске қосты, олардың баға белгілеу, баға саясаты бойынша компаниялармен келісімі бар Оның үстіне, бұл бәсекелес нарық, бәрі сұраныс пен ұсынысқа байланысты, сондықтан халыққа көмектесу керек жерде мұндай проблемалар болмайды деп ойлаймын», — деп түйіндеді шенеунік.
Дереккөз: Tengrinews.kz.
