Қанат Шарлапаев Ивановка ауылындағы үйлердің құрылысын уақытылы аяқтау үшін барлық күштерді жұмылдыруды тапсырды.

Индустрия және құрылыс министрі жұмыс сапарымен Ақмола облысының Ивановка ауылына келіп, су тасқынынан зардап шеккен азаматтарға салынып жатқан тұрғын үй құрылысының барысымен танысты.

Жалпы облыстың 4 ауданында су тасқынынан зардап шеккен 331 тұрғынға тұрғын үй салу жоспарланған.

Иванковка ауылында 41 тұрғын үй салынуда (20 екі пәтерлі, 1 бір пәтерлі), мердігер «Saianur vip service» ЖШС. Бүгінгі күні 8 үйдің қабырғасын қалау жұмыстары аяқталды, 22 үйдің қабырғасын қалау жұмыстары жалғасуда, 10 үйдің іргетасы құйылды, 1 үйдің іргетасын құюға дайындалды. Учаскеде 8 арнайы техника және 87 жұмысшы (оның ішінде қосымша 30 адам) жұмыс істейді.

Өңір қажетті қарқын алуы керек. Мақсат – сапалы, қауіпсіз және жайлы баспанамен қамтамасыз ету. Барлық құрылыс нысандарында бақылауды күшейту. Өңірде баспана кезегінде тұрып, уақытша жерлерде тұрып жатқан отбасылар саны көп, дейді Қанат Шарлапаев.

Дереккөз: Қазақстан Республикасы Индустрия министрлігінің баспасөз қызметі