Астанада құрылыс және өндіріс қалдықтарының көлемі өткен жылмен салыстырғанда 20 пайызға азайған.
Бұл туралы елорда әкімдігінің медиа орталығы хабарлады.
2017 жылдың басынан бері Астанада 330 мың тоннадан астам қалдық жинақталған, оның ішінде 274 мың тоннадан астам тұрмыстық қатты қалдықтар. 2016 жылы қалдықтардың жалпы көлемі 545 мың тоннадан асты. Осы кезеңде коммуналдық қалдықтардың көлемі шамамен 13%-ға қысқарды.
Астана қаласы Табиғи ресурстар және табиғатты пайдалануды реттеу басқармасының хабарлауынша, коммуналдық қалдықтарды тасымалдау схемасы әзірленген. Қала аумағында қатты тұрмыстық қалдықтарды жинауға арналған 10,5 мың контейнер жұмыс істейді, 1,8 мың контейнер алаңында орналасқан.
2013 жылдан бастап елімізде бірінші рет халықтан энергия үнемдейтін сынапты шамдарды жинап, кейін оларды кәдеге жарату жобасы сәтті жүзеге асырылуда. Жобаны іске асыру кезеңінде ERL жинауға арналған 670 арнайы контейнер орнатылды, 2016 жылы 719,6 мың дана жиналып, кәдеге жаратылды. 2017 жылдың 9 айында – 578 мың шам. Пластмассаларды бөлек жинауға арналған 686 контейнер, жеке сектордағы күл жинауға арналған 300 контейнер орнатылды.
Астана қаласында пайда болған барлық қалдықтар испандық Imabe Iberica технологиясы бойынша 2012 жылы салынған қалдықтарды өңдеу кешеніне жеткізіледі. Зауыт иесі – «KazRecycleService» ЖШС.
