Қала әкімі Ерболат Досаевтың айтуынша, 2022 жылға арналған «Халықтың қатысуы бюджеті» аясында 800 млн теңгенің 28 жобасы жүзеге асырылуда. Ол қазірдің өзінде 11 нысан іске қосылғанын, қалғандары 2022 жылдың қазан айының соңына дейін пайдалануға берілуі тиіс екенін атап өтті.
«Жобаларды жүзеге асыру аясында балалар, спорт және «воркаут» ойын алаңдарын, Қарасу өзенінің бойында жаяу жүргіншілер алаңын салу, 1 шақырым жаяу жүргіншілер жолын қайта жаңарту жоспарлануда», — деп түсіндірді Досаев.
Ал қазан айында Аспан саябағын абаттандыруды, Маяк тоғайын күрделі жөндеуден өткізуді жоспарлап отыр. Сондай-ақ, 2022 жылдың соңына қарай Молдағалиев пен Чехов көшелерінің бойында серуендеуге арналған тағы бір аумақ жабдықталады. Сонымен бірге, оның айтуынша, әуежай алаңын қайта жаңғырту жұмыстары жалғасады. Бұл жұмыстар 2023 жылдың мамыр айында аяқталады деп күтілуде.
Әкім «Халықтың қатысуы бюджеті» жобасын жалғастыру үшін ауданда 2023 жылға 164 өтініш түскенін айтты.
Дереккөз: lcm.kz
