Ақпан айында Krisha.kz қадағалайтын 18 қаланың тоғызында пәтер құнының төмендеуі байқалды. Бағаның ең күшті құлдырауы Ақтау қаласында тіркелді – 2,4 пайыз.
Бұл ретте 9 қалада тұрғын үй бағасының өскені байқалды. Бір айда ең көп баға өсімі елордамыз Астанада байқалды – екі пайызға жуық. Алматы мен Шымкент қалаларында баға сәл көтерілді. Ақпан айындағы мәлімет бойынша, елімізде ең қымбат пәтерлер үш қала Алматы (бір шаршы метрі 724 мың теңге), Астана (485 мың теңге) және Шымкент (421 мың теңге) болып табылады.
Тұрғын үйдің шаршы метрінің ең арзан құны 3 қалада белгіленді: Қызылордада – 238 мың теңге, Ақтөбеде – 290 мың теңге, Талдықорғанда – 301 мың теңге.
Өткен жылдың ақпанымен салыстыратын болсақ, нәтиже мынадай: тұрғын үй бағасы 1,4 пайызға төмендеген. Бағаның ең көп төмендеуі Петропавл мен Өскеменде байқалды, оларда төмендеу 4,6 пайызды құрады. Алайда кейбір қалаларда тұрғын үй бағасы өсті: Ақтауда 2,3 пайызға, Алматыда 1,4 пайызға, Таразда 0,6 пайызға және елордамыз Астанада 0,2 пайызға.
