Статистикалық мәліметтерге сәйкес, 2023 жылдың қаңтар-тамыз айлары аралығында қазақ ауылдарында жалпы сомасы 304,1 млрд теңгеге 12 184 тұрғын үй салынған. Оның 12020-сы жеке тұрғын үй, 146-сы көпқабатты үй, қалған 18-і жатақхана.
Ағымдағы жылы 2,2 млн шаршы метр пайдалануға берілгені атап өтілді. Бұл өткен жылдың сәйкес кезеңімен салыстырғанда 7,5 пайызға артық.
Құрылысы аяқталған тұрғын үй көлемі бойынша Алматы облысы көш бастап тұр. Мұнда 557,3 мың шаршы метр енгізілді. Екінші орында Түркістан облысы 273,7 мың шаршы метр болса, үшінші орында Қызылорда облысы 271,2 мың шаршы метр пайдалануға берілген.
Ауылдардағы ең жылдам тұрғын үй құрылысы биыл Ұлытауда болды. Өткен жылдың қаңтар-тамыз айларымен салыстырғанда жалпы көлемі 52,8%-ға артты. Теріс динамика Қарағанды облысында байқалады. Мұнда қарқын 31,6%-ға төмендеді.
Дереккөз: baigenews.kz
