«Нұрлы жер» 15 жыл ішінде 1,5 миллион отбасын баспанамен қамтамасыз етеді
Нұрсұлтан Назарбаев «Нұрлы жер» мемлекеттік бағдарламасын жүзеге асыруға қатысты болжамдарын айтты.
«Нұрлы жер» бағдарламасы да маңызды инфрақұрылымдық нысан болып табылады. Бұл бағдарлама бізге бар болғаны 15 жыл ішінде 1,5 миллионға жуық қазақстандық отбасын баспанамен қамтамасыз етуге мүмкіндік береді. Биылдың өзінде 100 мың азаматымыз тұрмыстық жағдайын жақсарта алды», – деді Мемлекет басшысы жалпыұлттық телекөпір барысында.
«Әрқайсысы жаңа пәтерлерге кіретін осы 100 000 отбасы, олар не ойлайды? – деп жалғастырды Елбасы. – «Неге біз олардың даусын естімейміз, ал біздің БАҚ олар туралы айтпайды? Менің ойымша, олар бақытты сезінеді ».
Сонымен қатар, Елбасы елді газдандыру жөнінде бірер сөз айтты.
«Мен 6 мың шақырым газ құбыры туралы айтқанда, бұл газдандырылған ауылдар мен пәтерлер. Әрбір үй иесі мұны бастан кешірді. Біздің жұмысымыз осы. Яғни, біз қуатты индустриялық серпіліс үшін жағдай жасаймыз, Қазақстанды әлемнің дамыған 30 елінің қатарына кіргізуге қабілетті», – деді Мемлекет басшысы.
