Қазақстанда құрылыс жұмыстарының көлемі 1,9%-ға өсті
Қазақстанда 2017 жылғы қаңтар-желтоқсанда құрылыс жұмыстарының көлемі 3480,9 млрд теңгені құрады, бұл 2016 жылмен салыстырғанда 1,9%-ға артық.
Бұл туралы ҚР Ұлттық экономика министрлігінің Статистика комитеті хабарлады.
Есепті кезеңде ең көп жұмыс көлемі автомобиль жолдары мен автомобиль жолдарының құрылысында – 760,5 млрд теңге, инженерлік құрылыстарда – 645,8 млрд теңге, өндірістік ғимараттар – 394,7 млрд теңге және тұрғын үй ғимараттарында – 391,5 млрд теңге атқарылды.
Құрылыс-монтаж жұмыстарының көлемі 2,5 пайызға төмендеп, 2992,9 млрд теңгені құрады. Күрделі және ағымдағы жөндеу бойынша құрылыс жұмыстарының көлемі өткен жылдың сәйкес кезеңімен салыстырғанда сәйкесінше 43,6% және 38,2% өсті.
Өткен жылы 30 825 жаңа ғимарат салынды, оның ішінде 27 811 тұрғын үй және 3 014 тұрғын емес ғимарат. Атап айтқанда, 99 орта мектеп, 65 мектепке дейінгі ұйым, 60 дәрігерлік амбулатория, 1 аурухана пайдалануға берілді.
