Қазақстанда босқындар баспанамен қалай қамтамасыз етіліп жатыр, деп хабарлады Еңбек және халықты әлеуметтік қорғау министрлігі.
Басқарма басшысы Мәдина Әбілқасымованың айтуынша, оңтүстік өңірлерден бес мыңға жуық адам, яғни 1388 отбасы қоныс аударған.
Еңбекке қабілетті жастағылардың 1424-і жұмысқа орналасса, 87-сі кәсіпкерлікпен айналысады.
«Еңбек күші жетіспейтін өңірлерге қоныстандыру кезінде мигранттарды баспанамен қамтамасыз ету маңызды фактор болып табылады. Бұл үшін мемлекет басшысының тапсырмасы бойынша, мемлекеттік бағдарлама аясында («Еңбек» нәтижелі жұмыспен қамту және жаппай кәсіпкерлік – Sputnik ) жұмыс берушілердің қатысуымен мигранттар үшін тұрғын үй салу және сатып алу тетіктері әзірленді», — деді Әбілқасымова үкімет отырысында.
Бұл тәсіл Солтүстік Қазақстан облысында сынақтан өткізіліп, одан әрі басқа аймақтарға таралатын болады. Әбілқасымова бұл мақсатқа 2019-2021 жылдарға арналған бюджетте 15 миллиард теңге (40 мың доллар) қарастырылғанын айтты. Солтүстік Қазақстан облысында алдағы үш жылда жоспар бойынша үш мыңға жуық қоныс аударушылар отбасы баспанамен қамтамасыз етілуі тиіс.
Тамыз айында Елбасы Нұрсұлтан Назарбаев еліміздің солтүстігінде тұрып, жұмыс істеуге көшіп келген оңтүстікқазақстандықтармен сөйлесті. Ол өзінің туған жерлерін 17 жасында тастап кеткенін еске алды.
Дереккөз: https://ru.satelliteneshs.kz
