«Бақытты отбасы» бағдарламасының алғашқы 84 қатысушысы қоныс тойын тойлады
Қазіргі таңда «Бақытты отбасы» бағдарламасы бойынша Тұрғын үй құрылыс жинақ банкі 50 миллиард теңгеге 4700-ден астам несиелік өтінімді қабылдады.
«Бақытты отбасы» бағдарламасына ең белсенді түрде Нұр-Сұлтан (791 өтініш), Алматы (615 өтініш) және Ақтөбе (529 өтініш) облыстарының тұрғындары қатысуда.
Берілген 1578 өтініштің 16,2 млрд.теңге сомасына оң шешімдері қабылданды. Демек, «Бақытты отбасына» қатысушы әрбір үшінші отбасы қазірдің өзінде жеке баспана іздеп жүр. Ол үшін 3 ай уақыт беріледі. Бастапқы және қайталама нарықта немесе жеке үйден пәтер сатып алуға болады. Жылжымайтын мүлікті қарыз алушы тұрғын үй кезегінде тұрған аймақта сатып алу керек.
Бұл әлеуметтік бағдарлама бойынша алғашқы 84 адам баспаналарын сатып алып үлгерді. Қоныс тойлау шараларының басым бөлігі Алматы мен Жамбыл облыстарында, сондай-ақ Нұр-Сұлтан қаласында өтті.
Биылдан бастап бұл бағдарламаны жүзеге асыруға республикалық бюджеттен 50 млрд теңге бөлініп, банк қазірдің өзінде кредиттік өтінімдер, жаңа өтінімдерді қабылдау 2019 жылғы 29 тамызда сағат 18.00-де тоқтатылады. «Бақытты отбасы» бағдарламасының қазіргі қатысушылары қандай да бір себептермен несие беруден бас тартқан немесе уақытында тұрғын үй сатып ала алмаған жағдайда, ӨҚҚБ бөлінген сома шегінде қосымша өтінімдерді қабылдайды. Бұл 2019 жылдың 20 қазанында бағдарламаның қорытындысы шығарылғаннан кейін белгілі болады.
Биыл құжат тапсырып үлгермей, бағдарламаға қатысушы атанған отбасылар келесі жылы құжат тапсыра алады. «Бақытты отбасы» бағдарламасы кем дегенде 2021 жылға дейін жұмыс істейді.
Еске сала кетейік, жаңа әлеуметтік бағдарламаға көп балалы отбасылар, мүгедек балаларды тәрбиелеп отырған отбасылар және кәмелетке толмаған балалары бар толық емес отбасылар қатыса алады.
Оларға несие мүмкіндігіне қарай жылдық 2 пайыздық мөлшерлемемен беріледі несие сомасының 10% бастапқы жарна. Несие мерзімі – 20 жылға дейін.
«Бақытты отбасы» бағдарламасының жүзеге асырылуы туралы толығырақ ақпаратты банктің веб-сайтында мына сілтемені басу арқылы білуге болады. сілтеме . Дәл сол жерде барынша ашықтық үшін банк қабылданған өтінімдер саны, берілген несиелер, аймақтар бойынша лимиттер және жеңілдікті несие алушылар туралы мәліметтерді жариялайды.
