Үкімет отырысында Қазақстан Республикасы Премьер-Министрінің орынбасары – Ұлттық экономика министрі Нұрлан Байбазаров құрылыс көрсеткіштерінің өсімі туралы баяндады.
Оң динамика 16 өңірде байқалып, орындалған құрылыс жұмыстарының көлемі 12,8%-ға өсті. Әсіресе, Алматы, Жамбыл және Қызылорда облыстарында, сондай-ақ Абай облысында айтарлықтай өсім байқалды.
Ағымдағы жылдың қаңтар айында 1 миллион шаршы метрден астам тұрғын үй пайдалануға берілді, бұл өткен жылдың қаңтар айымен салыстырғанда 3 пайызға артық, дейді Нұрлан Байбазаров.
Оның айтуынша, тұрғын үй құрылысының ең жоғары өсімі Астанада, сондай-ақ Солтүстік Қазақстан, Қызылорда және Жамбыл облыстарында байқалады.
Ол сондай-ақ ауыл шаруашылығы өнімдерінің 0,4%-ға өскенін хабарлады.
— Ең жоғары өсім Абай, Жетісу облыстары, сондай-ақ Алматы және Қызылорда облыстарында байқалды. Барлық 7 экономикалық көрсеткіш бойынша өсім 3 өңірде – Қызылорда мен Павлодар облыстарында, сондай-ақ Астанада байқалады, деп қосты Премьер-Министрдің орынбасары.
Дереккөз: inform.kz
