Алматыда 2018 жылы мемлекет мұқтажы үшін 140 жер телімі тәркіленеді
Алматы билігі 2018 жылы 140-қа жуық жер телімін алып қоюды жоспарлап отыр. Бұл туралы оңтүстік астананың Өңірлік коммуникациялар қызметінен хабарлады, деп хабарлайды ҚазАқпарат Todai.kz .
Алматы қалалық жер қатынастары басқармасының басшысы Алтынбек Ахметов брифингте «2015 жылға дейін мемлекет мұқтажы үшін жер телімдерін сатып алу шараларын бағдарлама әкімшілері дербес жүргізіп келгенін» айтты.
«2015-2016 жылдары жалпы сомасы 7,8 млрд теңгеге мемлекет мұқтажы үшін 144 жер телімі алынды, ал 2017 жылы 12 млрд теңгеге 221 жер телімі алынды. Осылайша, сатып алынған жерлердің саны 2017 жылы Өткен жыл 2015-2016 жылдары атқарылған жұмыстардың жалпы көлемінен 1,5 есеге артық. 2017 жылы 30 нысанда жұмыс басталып, оның ішінде 22 нысанда жұмыс аяқталды», – деді С.Ахметов.
2018 жылы басқарманың жұмысында 22 нысан, оның ішінде ауыстырылатын нысандар (сегіз нысан), 140-қа жуық жер телімдерін алып қою жоспарлануда, оларды сатып алу үшін республикалық және жергілікті бюджеттерге барлығы 6,1 млрд.теңге бөлінді.
Бүгінгі таңда жалпы сомасы 4,1 млрд теңгеге 109 жер учаскесі сатып алынды, қалған екі миллиард жыл соңына дейін пайдалануға беріледі», – деді Алтынбек Ахметов.
