Осы аптада қалалық коммуникациялар қызметінде өткен брифингте «Жұмыс істейтін жастарға сатып алу құқығынсыз жалға берілетін тұрғын үй» бағдарламасы туралы қалалық тұрғын үй басқармасы мен қалалық тұрғын үй инспекциясы басшысының орынбасары Бейсен Үсенов мәлім етті.
Бағдарламаның іске қосылуы туралы мәліметтер мен қажетті құжаттар 26 қазанда ресми интернет-ресурстарда жарияланды. 2 қарашада Тұрғын үй орталығы әлеуметтік желілерде тікелей эфирде жиі қойылатын сұрақтарға жауап берді, деп хабарлайды inform.kz .
Өтінімдерді қабылдау 6 қарашада сағат 9.00-де басталып, 12 қарашаға дейін жалғасады. Өтініштер Qatysu.zhilfond.kz порталында электронды түрде қабылданады. Бүгінгі таңда 3370 өтініш түсті», — деді Үсенов.
2019 жылдан бастап жастарға жеке баспана алуға көмектесу мақсатында әзірленген бағдарламаға биыл ҚР Мәдениет және ақпарат министрлігі өзгерістер енгізді. Бірнеше өзгерістер енгізілді. Біріншіден, Бағдарламаға қатысушылардың жасы 29-дан 35-ке дейін ұлғайтылды. Екіншіден, жалға берілетін тұрғын үй беру мерзімі 5 жылдан 3 жылға дейін қысқартылды. Үшіншіден, Бағдарламаға қатысу үшін Астанада соңғы 3 жылдан кем емес үздіксіз тіркелу қажет. Ал, ең соңында, төртінші өзгеріс – өтініш берушінің және оның барлық отбасы мүшелерінің соңғы 5 жыл ішінде Қазақстан Республикасының аумағында тұрғын үйге меншік құқығының жоқтығы.
Жалдамалы баспанамен қамтамасыз етілген жұмыс істейтін жастар жалдау кезеңінде нарықта жеке баспана сатып алу үшін бастапқы жарнаға ақша жинауы керек. Жалдау мерзімі аяқталғаннан кейін бұл тұрғын үй жаңа өтініш берушілерге беріледі. Астанада 2019 жылдан бері бұл бағдарлама бойынша 2450 пәтер сатылды, қазір оларда 6 мыңнан астам адам тұрады.
