Атырауда биіктігі 55 метр дөңгелекті жаңа демалыс саябағы пайда болады.
Бұл туралы қала әкімі Серік Шәпкенов халық алдындағы есептік кездесуінде айтты, — деп хабарлайды ІІМ. ҚазАқпарат .
Қазіргі таңда Атырау мемлекеттік университетінің жанындағы Жайық өзенінің жағасындағы саябақтың жобалық-сметалық құжаттамасы әзірленіп, сараптамадан өтуде.
Саябақтың аумағы 6,5 гектарды құрайды. Оның аумағында жалпы ауданы 3,1 га жасыл екпелер – туя, сирень және арша отырғызылады.
Сондай-ақ биіктігі 55 метрлік айналма дөңгелегі, карусельдер, балалар ойын алаңдары, шағын футбол алаңы, стритворкаут алаңы, скейтбординг алаңы, субұрқақ, жаяу жүргіншілер және велосипед жолдары болады.
«Мұндай саябақ салу қажеттілігі бұрыннан пісіп-жетілді. Облыс басшылығының тапсырмасы бойынша біз қала тұрғындарының ұсыныстарын жинап, олардың барлық тілектерін ескеріп, оңтайлы нұсқаны жұмысқа алдық», — деді Шәпкенов.
Саябақтың құрылысы жер қойнауын пайдаланушылардың әлеуметтік аударымдары есебінен жүзеге асырылады.
