Аягөз ауданында 17 отбасына баспана кілті табыс етілді

Аягөз қаласының мемлекеттік тұрғын үй қорында халықтың әлеуметтік осал санатына енген 17 отбасына көпқабатты тұрғын үйлердің кілттері табыс етілді.

«Халықты, әсіресе әлеуметтік осал жағдайға тап болғандарды баспанамен қамтамасыз ету – мемлекеттік саясаттың басым бағыттарының бірі. Бұл бағыттағы жұмыстар жүйелі түрде жалғасады», – деді аудан әкімі Қанат Әділбай.

Жалпы, Аягөз ауданы бойынша 1517 азамат баспана кезегінде тұрған. 2023 жылға арналған жоспарға сәйкес, «Нұрлы жер» бағдарламасы аясында Аягөз қаласындағы Қабанбай батыр көшесінде салынып жатқан бес қабатты 60 пәтерлі екі тұрғын үйді пайдалануға беру жоспарлануда.

Фото дереккөзі: Абай ауданы әкімдігінің баспасөз қызметі