Қазақстанда «ақылды» қалалар дамытылады
Премьер-министр Бақытжан Сағынтаев ақылды қалаларды дамытудың оң мысалы ретінде Астана, Алматы, Шымкент және Ақтөбе қалаларын атады.
Үкімет отырысында ол Ақпарат және коммуникациялар министрлігіне «ақылды» өңірлік орталықтарды дамыту тұжырымдамасын әзірлеуді тапсырды, — деп хабарлайды ҚазАқпарат. Todai.kz .
«Астана, Алматы, Шымкент, Ақтөбедегі смарт қала жобалары басқа қалаларға үлгі болуы керек. Ақпарат және коммуникациялар министрлігіне барлық облыс орталықтарына қолданылатын «ақылды» қалалардың үлгі тұжырымдамасын қалыптастыруды тапсырамын», – деді Премьер-Министр.
Сондай-ақ министрлікке 1 қазанға дейін Ресей және Беларусь елдерімен цифрландыру саласында бірлескен жұмыс бойынша ұсыныстар енгізу тапсырылды. Премьер-министр «Цифрлық Қазақстан» бағдарламасын қараша айының соңына дейін пысықтап, үкімет отырысына шығару қажет екенін атап өтті.
