Қостанай облысының әкімі Құмар Ақсақалов болашақ тұрғындарды құттықтап, кілтті табыс етті. Қостанайлықтар мерекені 108 жалдамалы пәтерде тойламақ.
108 пәтерге есептелген No9 жалдамалы үй Юбилейный шағын ауданында орналасқан. Оның құрылысы 2018 жылы басталған, бірақ жосықсыз мердігердің кесірінен үйді тапсыру кешіктірілді.
Жаңа тұрғындар көп балалы отбасылар, толық емес отбасылар, мүгедектер, мемлекеттік тұрғын үй қорынан баспанаға мұқтаж кезекте тұрған жетім балалар болды. Мұның барлығы халықтың әлеуметтік осал топтарын баспанамен қамтамасыз ету мәселесін шешуге бағытталған.
Айта кетерлігі, «Юбилейный» шағын ауданында 1200 орындық мектеп, «Жастар сарайы» ұлттық мәдени орталығы, спортпен шұғылданатын арнайы алаңдар, барлық аулалар балалар мен спорт алаңдарымен жабдықталған. Аудан қарқынды дамып келеді.
– Биыл 280 орындық балабақшаның құрылысы басталып, тағы бір балабақшаның жер телімі де белгіленіп, келесі жылы жобалық-сметалық құжаттамасы әзірленетін болады. Осылайша, «Юбилейный» шағын ауданында екі балабақша салу жоспарлануда, деп хабарлайды Қостанай қаласы әкімдігінің ресми баспасөз қызметі.
Жақын жерде балалар мен жасөспірімдер аймақтары, серуендеуге арналған бульвар, субұрқақтар орналасатын Smart орталықтың құрылысы аяқталды.
Шағын ауданда дене шынықтыру-сауықтыру кешенінің құрылысы қарқынды жүргізілуде, ықшамаудан тұрғындарының дұрыс демалуы үшін кешен аумағына іргелес бақ, сондай-ақ 100 орындық автотұрақ салынады.
«Юбилейный ықшамауданындағы №9 үй – биылғы жылы пайдалануға берілген үшінші жалға берілетін үй, жыл соңына дейін «Аэропорт» шағын ауданында жалға берілетін тұрғын үй пайдалануға беріледі», — деп түсіндірді баспасөз қызметі.
Бұл қаладағы жалға берілетін үйлердің құрылысын аяқтайды. Оның үстіне бұл үй тұтастай «Юбилейный» шағын ауданының құрылысын аяқтайды.
Бұған дейін қала әкімі Марат Жүндібаев та мереке қарсаңында жаңадан келген тұрғындарға «Қонай» шағын ауданында орналасқан жалдамалы үйдің кілтін табыс еткен болатын.
Дереккөз: inform.kz
